لاہور( پی کے رپورٹر نیوز 05 اگست 2023 ) چیئرمین تحریک انصاف عمران خان نے گرفتاری سے قبل ریکارڈ کیا گیا اپنا پیغام جاری کر دیا ہے۔ جس میں انہوں نے کارکنان کو ان کی گرفتاری پر پر امن احتجاج کا کہا ہے۔

عمران خان نے اپنے ویڈیو پیغام میں کہا ہے کہ “میرے پاکستانیوں جب تک یہ پیغام آپ تک پہنچے گا یہ لوگ مجھے گرفتار کر چکے ہوں گے۔ میری آپ سب سآے اپیل ہے کہ آپ سب نے گھروں میں چھپ کر نہیں بیٹھنا، میں یہ جدوجہد اپنی ذات کے لیے نہیں بلکہ آپ کے لیے اور اپنی قوم کے لیے کر رہا ہوں۔ آپ کے بچوں کے مستقبل کے لیے کر رہا ہوں۔ اگر آپ اپنے حقوق کے لیے کھڑے نہیں ہوں گے تو آپ غلاموں کی زندگی گزاریں گے۔ غلاموں کی کوئی زندگی نہیں ہوتی غلام ایسے ہی ہیں جیسے چیونٹیاں زمین پر ہیں۔ ان کے اوپر پرواز نہیں ہوتی۔

انہوں نے اپنے پیغام میں مزید کہا “پاکستان ایک خواب کا نام تھا ہم کسی انسان کے سامنے نہیں جھکتے، کلمہ ہمیں انسان کی غلامی سے اظہار کرتا ہے مدینہ کی ریاست میں ہمارے آقا پیارے محمد صلی اللہ علیہ وسلم نے سب سے پہلے انسانوں کو انصاف و عدل دے کر آزاد کیا تھا یہ جنگ انصاف اور آپ کے حقوق حقوق کی ازادی کی جنگ ہے کوئی آزادی پلیٹ میں رکھ کر نہیں دیتا، زنجیریں گیتی نہیں بلکہ اس کو توڑنا پڑتا ہے۔

انہوں نے مزید کہا آپ نے پرامن احتجاج کرتے رہنا ہے، جب تک آپ کو آپ کا حق نہیں مل جاتا سب سے بڑا بنیادی حق ووٹ کے ذریعے اپنی حکومت منتخب کرنا ہے نہ کہ کوئی اور اس ملک پر قبضہ کر کے بیٹھ جائے یاد رہے۔

عمران خان کو آج توشہ خانہ کیس میں تین سال قید اور ایک لاکھ روپے جرمانے کی سزا سنائی تھی۔

مزید یہ کہ آج فیصلے کے فوری بعد عمران خان کو ان کی رہائش گاہ زمان پاک سے گرفتار کر لیا گیا ہے اور اب انہیں بذریعہ ہیلی کاپٹر لاہور سے اسلام اباد منتقل کیا جائے گا۔